بگ باس میں’’دنگل‘‘ کا پروموشن نہیں کریں گے عامرخان

بالی وڈ کے مسٹر پرفیکٹ عامر خان بگ باس شو میں اپنی فلم ’’دنگل‘‘ کا پروموشن نہیں کریں گے۔

عامر خان ان دنوں اپنی آنے والی فلم دنگل کے پروموشن میں مصروف ہیں۔

نتیش تیواری کی ہدایت میں بنی اس فلم میں انہوں نے ہریانہ کے پہلوان مہاویر سنگھ فوگٹ کا کردار نبھایا ہے حالانکہ سلمان اور عامر اچھے دوست مانے جاتے ہیں اس کے باوجود عامر خان اپنی فلم ’’دنگل‘‘ کا پروموشن کرنے کے لئے’’بگ باس‘‘ شو میں نہیں جائیں گے۔

style="text-align: right;">ایسا کہا جا رہا ہے کہ عامر صرف اسی شو میں نہیں بلکہ وہ کسی بھی ٹی وی شو میں جاکر اپنی فلم کو پروموٹ نہیں کریں گے۔

عامر فلم کی تشہیر کے لئے مختلف راہ اپناتے ہیں وہ ٹی وی پر جا کر اپنی فلم کی تشہیر کرنا پسند نہیں کرتے۔

عامر سے وابستہ لوگوں کا کہنا ہے کہ ان کا ایسا خیال ہے کہ ٹی وی کے ذریعے لوگوں کو صرف اتنا پتہ چلتا ہے کہ فلم کب جلوہ گر ہو رہی ہے۔

فلم کو ناظرین تک پہچانا ہے تو دوسرے طریقے آزمانے چاہئیں۔